اروي لكم قصة من الواقع وماذا يخفيه من رعب وعجائب وغرائب من العالم الثاني
الذي يغزو عالم الدنيا وعالم الحقيقه .....
قصتي سوف تكون على نطاق الحوار والمحادثه ...
تدور احداثها عن اربع شباب يحاولون كشف حقائق استحضار الجن وكشف البيوت المسكونه ...
ماذا سيحل لهم وماهي فكرتهم التي كشفت الحقائق الغامضة المرعبه في عمليتهم هذه
ومغامرتهم المخيفه لنرى ....
وقبل ما أروي لكم القصه هذي قصه مكونه من خمس حلقات
وبروي لكم كل حلقه لحالها
نبدي القصة ....
( الحلقة الاولى )
في يوم من الايام هناك شاب بعمر يناهز ال 17 سنه يحب قراءة كتب الجن والبيوت المسكونه
وعن الاشباح والاشياء المخيفه .. فقرر ان يقوم بكشف هذه الحقائق ومعرفة اذا كانت حقيقه ام لاء
هذا الشاب اسمة ( خالد ) ذهب لرؤية صديقه ( احمد ) وهو خبير في عملية استحضار الجن
ولديه العديد من الكتب امثال شمس المعارف الكبرى والصغرى وكتاب عجائب الملكوت في
حقائق الجن و كتاب قديم يسمى الاستدعاء الكبير .
وصل ( خالد ) عند بيت ( احمد ) فطرق الباب ....
صوت من داخل المنزل " منو في الباب "
خالد : " انا خالد ارفيج احمد .. احمد موجود "
صوت من داخل المنزل " اي موجود لحظة اشوية "
يفتح باب المنزل واذ احمد يخرج لخالد ويسلم عليه ...
احمد : " هلا خالد اشلونك شخباريك انشالله مرتاح .. هاه غريبة يالي هالحزة عسى ما شر"
خالد : " ماشر بس حبيت اخبرك بفكرة يتلي وحبيت اسويها بعد ما آخذ ريك طبعاً
على ان انته اكبر مني بسنتين "
احمد : " ولو بالخدمة تفضل داخل نقعد مع بعض ونسولف بغرفتي "
دخل خالد منزل احمد وصعدا الى غرفة احمد ... فبدأ خالد بمحادثة احمد بفكرته ...
خالد : " الصراحة يا احمد تعرفني انا متعمق بسوالف جن وهالعالم الغريب ..
فيتلي فكرة على اني اسوي هالاشياء بس مع تصويرها بكامرات فيديو
وطبعاً انته مشالله عليك خبير بسوالف تحضير الجن والاشياء فابيك تسويها جدامي ..."
احمد : " من صجك انته ... انا قبل كنت اسويها للتسليه وبطلت مع انه الكتب لين اللحين عندي
بس خاشها بالسرداب ولا بطلتهم من بعدها تبيني ارد لها آسف اعذرني ما اقدر "
خالد :" تكفة يا احمد علشاني ولا تفكر بس انا وياك لاء اثنين من ربعنا بيكونون معانه
( محمد ) و ( جاسم )
بيكونون معانه لانه ادري فيهم يحبون هالسوالف فاشرايك علشان خاطري يالله لا تصير بايخ "
احمد :" والله ماادري يا ( خالد ) احاول افكر في الموضوع واعطيك خبر باجر انشالله "
خالد :" على خير انشالله انا بكون ناطر اتصالك باحر من الجمر "
احمد :" لي هالدرجة متحمس .. دام شفتك جذي متحمس خلاص اخذ موافقتي من الحين
بس عاد شوف ماراح انزل السرداب واطلع الكتب الا وقت ما تبي تسوي هالبحث على
قولتك هاهاهاهاهاها "
خالد :" ايوااااااااه ايوااااااااه مشكور احمداني "
خرج خالد من بيت احمد وهو فرحان وقام بالاتصال على اصدقائه ( محمد ) و ( جاسم )
طبعاً عمر احمد ومحمد 19 سنه اما جاسم فعمره 18 سنه .....
خالد : " الو جسوم اشلونك شخباريك شمسوي "
جاسم : " هلا خلود انا تمام الحمد لله اشفيك جذي متحمس شكله عندك شي قول يبا قول "
خالد :" اي والله عندي لك مغامرة عجيبه لا صارت ولااستوت وخذيت الموافقة من العمده احمد "
جاسم :" يبا نورنا قول شوقتني "
خالد:" بسوي فلم تصويري عن تحضير الجن في البيوت المسكونه
بس أحمد ما يدري وين راح يحضرها "
جاسم:" انته من صجك ولا تتغشمر لا جد والله "
خالد:" اشفيك من صجي والوعد يوم الخميس قبل آذان المغرب "
جاسم :" والله ما ادري شنو اقولك حده الموضوع يخوف .. بس يالله نشوف شنو بيصير "
خالد :" خلاص دق على حمود شوفه اهوا اكيد اذا انته بتيي اهوا بيي وياك ... تحبون
هالسوالف بس تخافون تسووونها وانا الحين بسويها لكم بس بشكل ثاني "
جاسم :" خلاص صار اعتمد الموافقه والموعد يوم الخميس "
خالد :" اوكي يالله مع السلامة "
ذهب خالد لمنزله وقام بتجهيز العدة من كامرات واجهزة التصوير والتسجيل ...
فتذكر انه لم يبلغ احمد بان الموعد يوم الخميس فطرش له مسج عن طريق الموبايل
على انه الموعد يوم الخميس ......
موضوع: قصة جن وعفاريت 
الأحد مايو 18, 2008 6:44 am
