جيـت انشـد الوقـت والا الوقـت ينشـدنـي
وجيت اسئل الناس ويش اللي يبيه الوقت
هـــو مـقـصــده يـسـتـفـزن أو يـعـانـدنـي
أو مقصده يكشف الخافي اشلـون اشتقـت
الـكـان قـصــده عـــلا هـمــه يسـاعـدنـي
اقول يمكـن صـدق والوقـت غيـر الوقـت
والـكـان قـصـده عـلــى هـمــه ينـاكـدنـي
اقـــول يـكـفـي بحـكـمـك تـونــي بـرقــت
والـكـان قـصـده عــن الـخـلان يبـعـدنـي
اقول أنـا احـذر ترانـي قاسـي ٍ لا ضقـت
لا تحـسـب أنــك بـكـل الـحـال تـاجـدنـي
لــو شفتـنـي عــن مجـاراتـك أنــا دنـقـت
يمـكـن أجـامـل مـعـك واقــول شـاهـدنـي
وأنـا اتحـرى الليالـي عمـرنـا لا غـرقـت
ولو سال دمعي وقمت امسحه فـي ردنـي
الله مصـعـب افــراق الـلـي لـهـم فـارقـت
الـلـي مــن اسنـيـن وشـهـور ٍ يـراودنــي
واقـول ليتـي ببـحـر الـحـب مــا توهـقـت
حـتـى بـحـلـم الـمـنـام أصـبــح يـهـددنـي
والظاهـر أنـي مـع الخـلان أنــا اتعلـقـت
الـيـا مـتـى يــا زمـــن وانـتــه تـرددنــي
والا متـى يازمانـي غايـب ٍ مـا اشـرقـت
يـكـفـي بـعـاهـدك والا انــتــه تـعـاهـدنـي
والا اتركـن لـو تشوفـن بالخـطـا سبـقـت