السلام عليكم ورحمة الله وبركاته
اكتب لكم هذه القصة باختصار
وهذه القصة تحكي شخصية صاحبها
اترككم مع القصة:-
في يوم من الأيام وكان هذا الفتى يبلغ من العمر 5سنين وامه كانت مطلقة واتزوجت رجل اطيب منه مافي وكان الولد يناديه بكلمة (بابا) لدرجة انه اعتبره ابوه ما كملوا شهر من زواجهم الا جا ابو الولد واخذ ولده اول شي الولد ما رضي وبعدين جره بالقوة والولد يتعلق بأمه ولكن الأم ما بيدها شي المهم الولد قعد عند ابوه وكان يزور امه من الأسبوع للأسبوع وبعدين دخل التمهيدي ودرس (الحين هو في الثانوية ) وصل لمن سنة اولى ابتدائي وابوه قطعه عن امه والولد كان عند جدته عايش وفي سنة ثانية ابتدائي انتقل للعيش عند ابوه وابوه قد اتزوج ودرس هناك وكان كل يوم ينضرب من ابوه الولد يجي من المدرسة وثوبه وسخان تعرفون صغير يلعب مع العيال اكيد راح يتوسخ ثوبه وكان كل ما يتغدى يستفرغ ولمن يستفرغ ابوه يلطمه لطم مو طبيعي المهم ومع الأيام ابوه ضربه وجدته دريت انه انضرب وراحت لمن البيت وهزأت ابوه وزوجته وبعدين معد صار يضربه الا على شي يستاهل مثل (واجباته – دروسه) غلق سنة ثانية ابتدائي وبعدين زوجت ابوه سافرت بلادها تزور اهلها والولد انتقل عند جدته يعيش عندها بس الجدة في بعض الأحيان طيبة وفي بعض الأحيان قاسية بس انه اهون من عند ابوه والأب كل يومين يجي يشوف ولده سوى شي ولا لا وما يجي الا ولازم يكون معاه لي الغسالة عشان اذا قالوله انه سوى شي يكون اللي قريب يعني يشمطه فيه ويقعد شويه ويروح ولمن الأب يروح الولد يحس براحة نفسية وفي يوم من الأيام الولد جاب الثوب ويعني فيه شويت وساخة جدته ضربته لأنها مو كل يوم بتغسله ثوب وتكويه وما كفاها كذا وكمان دقت على ابوه وابوه اول ما دري جا وضربه ضرب يعني الولد شويه وروحه بتطلع وامه كل يوم تدق عليه وتكلمه الى ان وصلت معاهم انهم ما يردوا على مكالمات امه ولمن دقت ما قالولها انهم ضربوه قالولها كل شي تمام وقفلوا الولد انقهر كان يبغى يكلم امه بس منعوه ومرت الأيام الى ان صار سنة رابع ابتدائي وكان الولد ماشاءالله من الأوائل بس افتكر انه لو شد حيله ممكن يشوف امه وشد حيله بس برضه منعوه من الروحة عند امه وكانت امه تبكي عليه طول الوقت لدرجة انها ما تشوف زي الناس وامه راحت كل المحاكم مافي محكمة وما راحتها وراحت عند محامي بس المحامي ما سوالها شي الأم ما فقدت الأمل وراحت عند بيت ابوه ودقت الباب بس ماحد رد وراحت للحارس وادته رسالة ورجعت لبيتها والولد كان في المدرسة ولمن رجع من المدرسة كان نهاية سنه رابعة يعني جا بالشهادة والشهادة كلها ممتاز واتمنى انه امه تشوف الشهادة بس راح غرفته وبكى وطلع كل الي مر من سنين الظلم وبعدين بدت سنة خامسة بس مستواه طاااااااااااح لأنه نفسيته تعبت وبعدين جا شهر رمضان وجت زوجة ابوه الي كان يكرهها كره العمى من السفر وشالوا الولد وصار يدرس من بيت ابوه بس كان يعيش اليوم كله في خوف وفزع من ابوه بس الضرب رجع من اول وجديد وزوجة ابوه تدافع عنه بس دفاع بالكذب والولد لمن وصل يوم 20 من رمضان راح المدينة مع جدته وعمانه ورجع يوم 23 وراح في الليل بيت ابوه وابوه قاله انه بيسويله مفاجأة وهذه المفاجأة الي ينتظرها من زمان (زيارة امه) وقعد يستـنا متى يروح عند امه وجا زوج امه بد حرمان 5 سنين من روحة امه والولد الحين يروح عند امه يزورها ويقعد عندها (هيا تخيل لو انك انحرمت من امك 5 سنين ليش 5 سنين سنة وحدة )
ملاحظة
القصة لو سمحتوا لكل الأعضاء والزوار اتمنى انها ما تخرج من الـمنتدى )
موضوع: قصه حزينه... 
الأحد أبريل 27, 2008 6:41 am
